Der deutsche Occidentalist

2. Jahrgang No. 7 (19). 1. Oktober 1934

Mitteilungsblatt des Deutschen Occidental-Sprachbundes, Günthersleben Th.

Esque Vu ha visitat li Leipziger Messe?

Ta vu havet occasion reciver li cité-plan con un textu polyglott (German, Angles, Frances, Hispan – ma ne ja Occidental!) de ti contenete:

„Li ferie de Leipzig,

li centre international por exchanger merces de omni sort du vezes in li annu, frequentat de circa 6–7000 expositores e circa 120 000 compratores. 48 halles e magasines sta al disposition del expositores.

Ples informar Vos che li honorar-representantes e che li officias del Leipziger Messeamt o che li Leipziger Messeamt self, Leipzig C 1, Markt 4.“

Quel coidealist successa introducter che li Messeamt li tal ó un simil textu Occ, strax comprensibil por li totalité del expositores e visitatores ex li civilisat munde?

Qui descovri tal altri possibilitás representant írrefutabilmen li singulari superioritá de Occ. in li servicie por li export de german merces, do por li ‚manivellation‘ del economie national!

(+ D 2 +)

Manifestation del German Occidental-Federation

Repetition ex № 5 (17).

Car coidealistes,

Vu es instructet ja antey pri li nov organisation del German Occidental-Federation.

Justmen Occidental es destinat luder su rol extraordinarimen instructiv e cultural concernent li lingual erudition del larg masse de nor compatriotes, adminim qui have li serios desir aclarar se pri li rich vocabularium de paroles e notiones extran in nor lingue matrin (quam in omni lingues del Occident!).

In tal sense noi apercepte li mission de Occidental in li triesim reyatu; do un affere sam national quam social!

Noi es fier que Occidental per se self da nos un tal mandat. Li GERMAN OCCIDENTALIST mey preparar ye su parte ja nu li attin’tion de ti bell e serios scop.

PLES COLLABORAR, car coidealistes, per articules scientific, instructiv o distractori, ma scrit in Occidental.

Misser ti articules a:

Johannes Quensel,
Günthersleben über Gotha.

(+ O 1,1 +)

Mediation de correspondentie

Omnes qui reconosse li supra demonstrat mission national de Occidental por li plu clar e plu profund penetration in lor lingue matrin e per to por li erudition desirat de compatriotes, ti omnes mey contribuer ye lor parte al attin’tion del prescrit scop sam sublim quam important.

Tal considerationes obliga al organisation de correspondentie occidentalistic inter coidealistes compatriot.

Nam it es tro natural, ti qui occupa se seriosimen con Occidental deve practicar sempre su save, e to per usa. Repetition es li matre del studies. Li correspondentie da in ultra li joya pri li apprendet e al apprender.

Noi peti do omni coidealistes del G.O.F. qui possede li necessi conossentie de Occidental explicar se pret al correspondentie. Ples scrir a me e vor nómin va esser citat strax in li nov rubrica de nor revue German Occidentalist: Mediation de correspondentie Occidental.

Ad avan! Johannes Quensel.

(+ C 1 + )