Der deutsche Occidentalist
2. Jahrgang № 11 (23) — 1. Dezember 1934
Mitteilungsblatt des Deutschen Occidental-Sprachbundes (German Occidental-Federation)
Li terminologie del shac-lude (continuation)
Li adversario posse stoppar o prender un tal liber pion tre sovente solmen per sacrificies. Un blanc pion stant sur li quinésim linea, sammen quam un nigri pion stant sur li quadrésim linea, have li jure prender piones del adversario ›en passant‹ si tis veni de lor original position e vole tirar du casas (quadres) por evitar esser prendet. Li adversario in ti casu have li jure prender li pion de su contrari colore quam si it vell har tirat solmen ún casa: f5 sta un blanc pion, la adversario tira su pion g7 a g5: nu li blanc pion posse prender en passant (si il vole): On prende li nigri pion del tábul e posi li blanc pion sur g6. Li duplic attaca de un pion defendet a du officeros stant dextra e left avan le, es nominat un ›furc‹, e si li attacant pion ne posse esser prendet, un del du officeros es perdit, proque ye li proxim move o tira posse escapar solmen un. Tande li adversario gan’a li qualitá, proque il da un pion e recive un officero. Li un ludero talmen es fortiat sacrificar ínvoluntarimen.
On posse ›roccar‹ solmen si li rey ne ja ha fat un move. Li roccada eveni talmen que on posi li turre apú li rey e li rey salta super le al altri láter. Secun que on prende li turre de h1 (h8) o de a1 (a8) por posir le apú li rey, it es li curt o li long roccada. Anc li turre con quel on vole roccar deve esser ancor in su original position sin har fat alquel move. Li roccada ne es permisset por tirar li rey ex li shac o si li rey deve passar un casa dominat de un piece del adversario.
Li theorie del overturas e del finludes ne posse esser tractat ci pro su tro grand amplexion. Un ›gambit‹ significa li conscient sacrificie de un pion por reciver un plu fort attaca. Li gambit posse esser acceptet o refusat. Un move o tira anc es nominat un tempo. Si un ludero es plu fort quam su adversario, il posse dar un officero in avantagie.
Li final scope del shac-lude es: dar shac-mat al rey del adversario. To ne sempre es possibil. Li lude anc posse adducter parties e positiones queles es ›remis‹ o índecis per shac perpetui o per que li du reyes sta contra unaltru sin haver ni un piece, o per que li rey del adversario es pat, it es, li rey ne posse tirar proque il sur chascun casa accessibil por le vell reciver shac e su tot altri figures es ja prendet o stoppat talmen que illi ne posse tirar. In li finlude es li rey sovente un del max fort pieces. Li opposition del reyes decide sovente li fate del partie. Por indicar li curs de un partie on usa li secuent signes:
- – significa li move de un piece: Sg1 – f3;
- x significa, que un piece prende li altri: Sf3 x e5;
- + significa, que li piece da shac al rey del adversario: Dd1–h5+;
- # significa shac e mat;
- ! (!!) sta detra un move tre bon o quel merite attention;
- ? (??) sta detra un move evidentmen mal o almen dubitábil.
Coid. G. Prinz, Bernburg, ha spensat e donat Rm. 5.– por Germ. Occ. Federation. Cordial mersía!
Deutscher Occidental-Sprachbund, Bundesleiter Joh. Quensel, Günthersleben ü. Gotha, Postscheck Erfurt 259 81.