Der deutsche Occidentalist

Mitteilungsblatt des Deutschen Occidental-Sprachbundes (German Occidental-Federation).

3. Jahrgang — 15. Januar 1935 — № 2 (26)

Eveniment ne omnidial

Literatura — Joh. Quensel

In li Tiergartenstraße de Berlin un mann laceronesc jace ecrasat de un automobil. Homes maledí e reprimanda. Un policist nota li chaufero. On vole transportar li vulnerat in un hospital. Ma il cria in su dolores quande on tucha le. Un médico dá al publicum un signe que li vive del qui havet li accident conta solmen minutes. In ti moment un yun puella presse se tra li homes, illa agenua apú li morient, prende su cap in su brasses e dí: Yo vole assister vos; ples repetir mi paroles tam bon quam vu posse. E illa comensa: Nor patre qui es in li ciel...

Astonat e fixmen regarda li vagabund. Poy on vide subrider le e – il balbutia li paroles: Sanctificat es tu nómin, mey venir tu reyatu.

Li medico ha demettet su chapel, li altres fá li sam. Mem li demi-adult garson demette su chap benque il esset pret li anterior moment mocar pri li morient.

Pian ma clar on audi li paroles del yun puella in li complet silentie. Balbutiant parla li stertorant ti fine:

Tui es li reyatu, li fortie e li glorie, in eternitá; amén. --

„Qui compati con li povre, presta a Deo; il va recompensar le!“

Du historiettes pri Frederic li Grand

Pos li guerre de set annus li grenaderos negociat lor sabres mettente vice illi simplic lignes in li estuche. Frederic audient it devenit tre indignos. Il fat intrar in órdine li regiment e vocat ad exter du soldates. „Prende tu sabre e decupa li cap a ti-ci!“ „Ma, ... yo do ne posse it, yo ne have permission...“ „Tu deve decupar li cap a il!“ Alor li grenadero directet su regarda vers li ciel e parlat secuent paroles: „Deo, tu ne posse voler que un innocent ea mortat, pro to lass devenir mi sabre lignin!“

Quande nu li grenadero fat nud su sabre, vermen, it esset lignin... Li rey detornat se por celar que il ridet.

Monstruositá hat evenit in Berlin. Un comto G. hat mariat su propri nevessa. Un delegation del clero de Berlin reclamat it che Frederic li Grand. Li rey fat adducter li comte. Li clericos stat plen de joya. Nu li odios comte vell sufrer un contentant tónner-tempe. Li comte venit. „Esque Vu ha sposat Vor nevessa?“ „Sí, Majestie, yo fat it!“ „Na fá it ancor un vez!..“ esset li judicament del rey.

Chronica: Qualmen Occidental marcha adavan!

COSMOGLOTTA Official organ del Occidental-Union. № 8 (99) Dec. 1934. Ci-vez Cosmoglotta fá nos un special joya per addition de un folie: Nor canzoniere, collection de canzones in Occ., folie 1. Arrangeat per coid. Dr. Nidecker de Basel. Va esser continuat. In plus noi gratula Cosmoglotta ye su centésim caderne, certmen un bell pruva por li crescentie e durabilitá de Occidental!

ANGLIA INTERLINGUIST. № 3 (15) 1934. Labora por Occidental in Anglia. (Interlanguage Association of Great Britain, 40 Saint Andrew Street, London S.W.)

SVEDIA SVENSKA OCCIDENTAL FÖRBUNDETS: MEDLEMSBLAD, № 7, 8; 1934.

TCHECOSLOVACIA Buró de Occidental, PRAHA VII, ČS, Škroupova 2. Circulare 1–4.

Vor deventie: Esser un ACTIV Occidentalist in 1935

Deutscher Occidental-Sprachbund, Leiter Johannes Quensel, Günthersleben über Gotha / Thür.