GERMAN OCCIDENTALIST

Mitteilungsblatt des Deutschen OCCIDENTAL Sprachbundes, GOF.

3. Jahrgang — 1. Februar 1935 — Nr. 3 (27)

NOV MEDIATION DE CORRESPONDENTIE !!

Car coidealistes, ---

Esque Vu conosse, in fact, homes qui nomina se chac-ludores – ma illi ne lude chac? O esque Vu ama tis qui lude cartes solmen quam – spectatores?!

Coidealistes, támen li situation de Occidental, in cert mod, es ancor conform a un match de football: 2 x 11 fa li currida e li lucte, e 11000 exhorta o applauda – quam spectatores...

Ma li nov sport-movement commensa hodie ja detornar se de un tal monoton particularitá. Solmen 5000 spectatores – li altri curre nu self, gymnastica se, jetta li disco o salta trans hagaturas; in curt: illi practica self li sport!

E nu, it es solmen lu sam a realisar che OCCIDENTAL.

Vu questiona in qual maniere? Noi responde: PER CORRESPONDENTIE !!

Vu deve participar, car coidealist!

Ples misser strax Vor complet adresse al signator de infra. Il invia poy al unesim participant: un lettre pri UN NEUTRAL THEMA ACTUAL.

Li destinatario lee it ne solmen, ma il adjunte su propri pensas al thema, naturalmen il scri OCCIDENTAL! – Li duesim recive li lettre, il acte egalmen. Quam li duesim fa it li triesim, tam li quadresim e omni secuentes. Ergo, chascun lee e scri! (Li ultim participant rendi li plu e plu completat lettre, nu ja un specie de "brochura", al expeditor, e li circulare ea li via "da capo" – ma circummisset es nu solmen li materiale nov por li proxim.

Por ne peccar contra li commun custom, noi commensa parlar pri li – tempe. Li prim thema es do "Hiverne". Noi demanda Vor aventuras hivernal de omni sort desde Vor yunesse til li unesim alb capilles... (mey noi omnes devenir denov tutmen yun!) – Adplu Vu mey notar Vor reflexiones serios e esperantios queles productet in Vos li alb cumpan... durant shi-tures o chasses o slitt-cursiones o anc al camin. O Esque Vu have observationes scientific o tal altri opiniones pri li thema? O Vu vole traducter alquicos? Omnicos es rect (exceptet solmen inutil e minucios critica).

Do, Vu es convocat al collabor! – Ja sta fixat li secuent themas.

Ples dar Vor adresse al president del GERMAN OCCIDENTAL FEDERATION:

Johannes Q u e n s e l, Günthersleben über Gotha;

Postscheckkonto: 259 81, E r f u r t.