Der deutsche Occidentalist

2. Jahrgang № 12 (24) — 15. Dezemb. 1934.

Mitteilungsblatt des Deutschen-Occidental Sprachbundes, Günthersleben

Li German Occidental-Federation marcha in li nov annu 1935

De Johannes Quensel, presidente del German Occidental-Federation

Ye comensa del nov annu yo saluta omni coidealistes cordialmen e mersía pro li interesse con quel li majorité ha stat a OCCIDENTAL e al German Occidental-Federation. Noi vole desirar e promesser li sam bon volentie por li futur.

Ad avan!

Vu questiona, car coidealistes, per quel maniere realisar tal intention? Ples amemorar ti 5 punctus

  1. Mey vu leer con attentivitá chascun numeró del German Occidentalist, specialmen si nor micri revue communicatori es vor unic letura Occidental

  2. Ma, ne obliviar, Vu have li occasion multiplicar li volúmine de ti letura si vu abonna (ó reabonna!) COSMOGLOTTA, li revue mensual scrit in e por OCCIDENTAL. – It es solmen necessi inviar RM 2 90 al postchecconto Occidental-Buró, Chapelle (Waadt) Schweiz, Nr 1683 36, Amt Berlin. Por un duplic abonnament annual (RM 5 80) vu recive tri exemplares chascun mensu (do un gratuitmen, por propaganda etc.)

  3. Un plen delicie procura vos li apprension de Occidental per li standard-ovre „OCCIDENTAL DIE WELTSPRACHE“. Vu posse comprar it che coidealist Mildebrath, Bernau bei Berlin, Postscheckkonto Nr. 696 76, Amt Berlin, o che li German Occidental-Federation, postchec ví che 5. Precie ligat: RM 3–, broch RM 2– incl postage

  4. Ples declarar vos pret por correspondentie Occidental con altri german coidealistes. Solmen avisar vor complet adresse al German Occidental-Federation (ví che 5!) e strax it va esser citat in li proxim numeró del German Occidentalist sub li rubrica „MEDIATION DE CORRESPONDENTIE“. Bentost vu va esser convictet del joya resultant de ti interprense!

  5. In fin noi peti succurser nor serios intentiones manifestat in li numerós 5 e 7/1934 de German Occidentalist per subventiones. Ples payar al secuent postchecconto:

Johannes Quensel, Günthersleben über Gotha, Nr. 259 81, Amt Erfurt (Ci vu anc have li adresse del German Occidental-Federation)

Ti coidealistes qui ja ha penetrat plu profundmen in li bell lingue Occidental posse far exámen „de docent de Occidental“. Ples informar vos pri to che li German Occidental-Federation.

Un retrospection demonstra que it esset possibil conservar li númere del ancian coidealistes. Adplu un cert númere de nor coidealistes ea recrutat de queles singules labora passabilmen activ. LI CHANCES de nor federation ne es mal nam per li methode de propaganda scritiv li reunion sta reconstructet.

Li German Occidental-Federation sta fidel al ver communité national-socialistic del nov Germania e por repetir, noi es fier, que Occidental SELF da nos li possibilitá collaborar ye nor parte al erudition del larg masse de compatriotes. --

Coidealist Janotta invitat, solmen per Cosmoglotta a un congress Occidentalistic a Vienna. Secun li sufficentmen conosset mal trafic-possibilitá de Germania a Austria li German Occidental-Federation refusa ti convent in Austria. --

Sr. Edgar de Wahl, Reval (Tallinn), ha proposit completar li liste del membres de CELIA (= Comité explorativ de Lingue International Auxiliari) per li nómines secuent:

  • Coid. Mildebrath, W., Bernau/Berlin,
  • " M. Ad. Fritzsche, Leipzig S 3,
  • " Walter Karch, Leipzig [???],
  • " Joh. Quensel, Günthersleben/Gotha